هلا واللهي بالشباب ... ادري وحشتكم مايحتاج تقولون   ...بس الله يسلمكم كيبوردنه صاده انفلونزا الطيور و قام مايكتب ... ماعلينه انتو شخباركم ... شمسوييين ؟ ... و الاجازة ؟؟؟ و النتايج الحلوة ؟

الصخير و ما ادراك ما الصخير شي خطيييييير   متنفس للشباب يطلعون طاقاتهم الداخلية و اهناك بر و برد يحلا التخيييم و الجاي الاحمر و الفسفسة   ... عاد احنه في موسم التخيييم مطيحين اهناك بس امي تخاف تخيم " مو كأني فضحتها"

في صخير شفنه اشياء كشوخي عجوبي و انشالله تعجبكم

احنه عن حساب راحيين منحط خيمة لينه بس يحسافة ماعرفنه شلون ننصبها   على داك الجبل العود " وشعرفهم بداك الجبل العود" و كل العايلة تمارس هواية التسلق كلنه حتى امي و ابوي  

في مخيمات واجد اهناك حلوة بس اذكر جم مخيم " : مخيم الفار / مخيم ام جدر / مخيم البا / مخيم ابو فطوم/و مخيم الزعيم

في ذاك اليوم اللي ماقدرنه ننصب فيه الخيمة سيونه جولة على الجبل العود و كلنه اتسلقنه و شفنه السيارات و المخيمات نمل   هع هع هع بس حلو الجو و كان بعد في واحد قاعد فوق الجبل بروحه و سرحان في السما و يبين عليه حزين " مادري يمكن يفكر في الحبيبة  "

و في صخير تشوف الموترسيكل  يسحك ويلات و يستعرضون استعراضات   و لا بعد يحظي ساعات  بعد كل واحد و مركب وياه وحده   اذكر ذاك اليوم و تونه مخلصين من الغدى الا جايين شلة موترسيكل و بيستعرضون علينه عاد احنه لما يجي اي واحد نصفق ليهم   بس و لا يفيسونه بس في واحدج ركب على الجبل هو بالموتر سيكل مالته و كان فيه مكان خطير كلش و كانت جاية جاهلة اهناك و هو جاي بينزل من هالمنحدر الغبي جان شوي وي دعم الجاهلة بس الحمدلله تباعدت و رفقانه يطالعونه و هم خايفين عليه   و اخواني خافو يشوفون منظره لانه كان شوية و يطيح لكن الحمدلله وصل بسلام و العائلة المكونة من 6 افراد تصارخ و تصفر و تصفق اليه و هو عاد يبيغغيها من الله قام و يسحك على صوب و احنه متفاعلين وياه و اهو متفاعل ويانه " و اخيرن حصلنه احد يفيسنه"

بعد شوي ... جت سيارة فيها شباب يمكن في بداية العشرينات بين ال 18 و ال 22 و طلعو كل واحد حامل ليه غيتار   و راحو في قمة الجبل"جبل و جبل البحرين مافيها جبال اصلن" و قعدو فوق و كان المنظر شاعري حقيقتن و بدو يعزفون كان ونااااااااسة و الجو يهب عليهم و هم و لا يهمهم مواصلين في العزف ...

عاد احنه قررنه نتجول في احدى زيارتنه في صخير و شفنه مكان يلعبون فيه جهال و فيه خيل و حمار و بوني و جايين بنات دببة يبغون يركبون عليه " يلهوي راحت على الحيوانات" و كان فيه بعد سبالة اسمها الانسة لوزة   ههههه اتضحك بس هالسنة ماشفتها كانت ماتاكل اي شي تاكل الكشخة بس" راقية السبالة ليش غيرانين منها "و احنه في داك اليوم شفنه خرفان يضحكون و كان في خروف صغير كيوت حده و قمنه نمسح عليهم و من نزلنه من السيارة كلهم جو صوبنه هع هع هع

عاد هاي السالفة اللي ابغي اقوليها ليكم

في مخيم اسمه مخيم الفار على الشارع الرئيسي في صخير  كان اهناك في شباب واحد جاكيت اسود طويل و لابس كبوس مال كوبوي و نظارة سودة مغطية عيونه و مجودمكرفون   وواقف على صندوق من حطب و مشغلين لهم اغنية بالعنجليزي و عن حساب هو اللي يغني و يرقص مثل الاميركان يروح على قدام و يرجع على ورى و عن يازعم هو اللي يغني هالاغنية و صوبه بعد واقف واحد على منصة المسرح الخشبية عاد هالثاني اقصر منه و لابس بعد علما اعتقد جاكيت اسود قصير و بانطلون جينز و مجود حطبة في ايده مستطيلة و يحرك اصابيعه عليها عن يازعم غيتار و كان وياهم بعد صبيان يرقصون   مادري شلون نفس الهنود الحمر و رفيقهم صورهم بالتلفون و في الثاني مجود ليه حطبة مستطيلة و ضعيفة و حاطنها على رقبته عن حساب " اونه" كاميرا مال تلفزيون و يروح حوالينهم و يقربها من وجوههم " حده الاخ اجاد التمثيل و صدق عمره   "

احنه وقفنه و تمينه نشوفهم بس خسااااااارة ماشجعناهم 

ادا هالشلة دخلت على سيسي و شافت هالكلام اقوليهم ابدعتوووووووووووووووووووووووون ابداع خطييييييييير و سويتون جو كشخة و من هني لهنااااااااااااك تشجيع ليكم و استمرو بهالفعاليات لانه مخططين نجيكم مرة 2 و تسلموووون   

و انت يبو الموتر سيكل يالمتهور صدق شجاع بس على تهور حاسب على روحك مرة 2

و مال الغيتار لا تصدقون عمركم واجد بس الصراحة  سويتون جو  بانغامكم

و  انتو شرايكم بصخير و المخيمات مو وناسة ؟؟؟   

معلمة العربي : تقولون هاي معلمة عربي تتكلم لينا و للصفوف الثانية بكلمات انجليزية  و تتكلم ساعات بالعامية معلمة عربي المفروض تتكلم لغة عربية فصحى << الله على العروبة ،،، ستايلها مثل ستايل معلمة الانج و تلبس لينا ثياب ماتناسب جسمها و خب اني مو مقصرة في التعليقات عليها ما بدخل النار الا بسبة هالتعليقات  و كله تقول ترى امسح ابش الارض <<< مغرورة مادري على شنو و كله تقول لينا صيرو مثقفين و تعطينه محاضات عن القراءة ....

معلمة الريض : طيبة و على نياتها حصتها صدق مملة بس نقدر نسولف فيها ،،، ثيابها عادية و تغششنا ساعات بعد في الامتحانات هع هع هع و شرحها ممتاز ...

معلمة الدين : ياااااااااااااالله من قلب ماطيقها ،،، حصتها مملة و شوي انام و اشتكت عليي اني ماشارك :@  ،،، و ماتحف الا في السنة حسنة على قولت البنات الظاهر زوجها مايخليها تحف :s و ثيابها وع وع وع ،،، ملامحها حليوة بس مو مستغلتنها عدل و ،، درستني سنتين لكن ماشوفها تبتسم ،،، اعتقد اللي يدرسون دين وياهم عقدة نفسية ، و في الفسحة توقف ويى بنية و كله تسولف وياها مادري شعندها اموووت و اعرف ليش لو تشوفونهم كأن وقفتهم روميو و جولييت هع هع هع ...

 <<<< هاي الصورة محصلينها في ليلة زواجها منجدي مبتسمة

معلمة العلوم : حصتها كشخة بالنسبة ليي لاني اشارك فيها و اتفاعل و ساعات نطلع من الصف ، معلمتنا هادي تدبحني من الضحك عدها عدة كلمات ادا كنا ساكتين و هي تشرح " ايييي لااااا ويييييييه " يطلع الصوت من خشمها  و تمد في الحجي و تقول بعد " صعب سهل ماتدرووون وييييش " تقولهم ورى بعض و سريييييييييييع خب في البدلات كشخة مالها لازم الشيلة و النعال نفس الشي و تسمي البنات بأسماء ابهاتهم او القابهم ، هي حلوة بس مخرب عليها خشمها طويل مثل الساحرات ...

معلمة الاقتصاد : من طخة معلمة الريض بس مسكينة كله يقولون عنها انهي شريرة بس هي طيييييييييبة من قلب و ادا تشرح دايمن تطالعني اني و بنك برنس مادرري ليش...